Tume ya Madini imesema kuwa kuanzishwa kwa masoko ya madini na vituo vya ununuzi wa madini nchini kumeongeza uwazi katika biashara ya madini, kudhibiti utoroshaji wa rasilimali hizo na kuongeza mapato ya Serikali.
Akizungumza katika Maonesho ya Wiki ya Utumishi wa Umma yanayoendelea katika viwanja vya Chinangali jijini Dodoma, Afisa wa Tume ya Madini kutoka Kurugenzi ya Ukaguzi na Biashara ya Madini, Ibrahim Akyoo, amesema mfumo wa masoko ya madini umeleta mabadiliko makubwa katika usimamizi wa biashara ya madini nchini.
Amesema kupitia mfumo huo, wachimbaji na wafanyabiashara wamepata fursa ya kuuza madini yao kwa njia rasmi, jambo ambalo limeimarisha usimamizi wa sekta hiyo na kuhakikisha mapato yanayostahili yanakusanywa kwa manufaa ya Taifa.
Masoko 44 na Vituo 120 vya Ununuzi
Kwa mujibu wa Akyoo, kwa sasa Tanzania ina jumla ya masoko ya madini 44 pamoja na vituo vya ununuzi wa madini 120, ambavyo vinaendelea kurahisisha shughuli za biashara ya madini katika maeneo mbalimbali ya nchi.
Amesema uwepo wa miundombinu hiyo umechangia kuondoa changamoto za biashara holela ya madini na kuongeza uwajibikaji kwa wadau wote wa sekta hiyo.
Majukumu ya Kurugenzi ya Ukaguzi na Biashara ya Madini
Akyoo ameeleza kuwa miongoni mwa majukumu ya Kurugenzi ya Ukaguzi na Biashara ya Madini ni kusimamia biashara ya madini nchini, kuhakikisha ushiriki wa Watanzania katika sekta ya madini unaongezeka, kudhibiti utoroshaji wa madini, kufanya ukaguzi wa fedha na kodi pamoja na kutoa huduma za kimaabara kwa wadau wa sekta hiyo.
Elimu kwa Wananchi na Wadau
Amesema uwepo wa miundombinu hiyo umechangia kuondoa changamoto za biashara holela ya madini na kuongeza uwajibikaji kwa wadau wote wa sekta hiyo.
Majukumu ya Kurugenzi ya Ukaguzi na Biashara ya Madini
Akyoo ameeleza kuwa miongoni mwa majukumu ya Kurugenzi ya Ukaguzi na Biashara ya Madini ni kusimamia biashara ya madini nchini, kuhakikisha ushiriki wa Watanzania katika sekta ya madini unaongezeka, kudhibiti utoroshaji wa madini, kufanya ukaguzi wa fedha na kodi pamoja na kutoa huduma za kimaabara kwa wadau wa sekta hiyo.
Elimu kwa Wananchi na Wadau
Aidha, amesema Tume ya Madini inatumia Maonesho ya Wiki ya Utumishi wa Umma kutoa elimu kwa wananchi na wadau kuhusu fursa mbalimbali zinazopatikana katika sekta ya madini.
Fursa hizo ni pamoja na biashara ya madini, shughuli za uchimbaji, uongezaji thamani wa madini, utoaji wa huduma mbalimbali pamoja na ushiriki katika mnyororo mzima wa thamani wa sekta ya madini.
Sekta ya Madini Yaendelea Kuchochea Uchumi
Akyoo amesema jitihada zinazoendelea kufanywa na Serikali kupitia Tume ya Madini zimeifanya sekta ya madini kuwa miongoni mwa sekta muhimu zinazochangia ukuaji wa uchumi wa Taifa, kuongeza mapato ya Serikali na kuleta maendeleo kwa wananchi.
Mwandishi: MOHAB TV ONLINE
Mahali: Dodoma, Tanzania
Picha: Tume ya Madini / Wiki ya Utumishi wa Umma