Na Mohab Dominick
KAHAMA
Sept 4,2014
Wakulima wa zao la Tumbaku
wilayani Kahama Mkoani shinyanga wametakiwa kutumia faida wanayoipata kutokana na
zao hilo kujiimarisha kiuchumi ikiwemo kujenga nyumba bora na za
kisasa na kusomesha hasa watoto wa kike shule.
Hayo yalisemwa jana na Afisa Ushirika
wa Halmashauri ya Ushetu Deogratius Rugangila wakati wa uchaguzi wa Viongozi wa
Bodi ya Ushirika katika chama cha Msingi Tembo (Amcs LTD) Kata ya Bulungwa.
Alisema kuwa mara nyingi wakulima
wa zao la Tumbaku wameendelea kuwa katika hali ya umasikini kutokana na
kuendekeza Starehe pindi wanapokwenda kuchukua fedha katika mabenki
na kujikuta wakibakiza fedha kwaajili ya mtaji wa maandalizi ya msimu mpya.
Rugangila aliwataka wakulima wa zao
hilo kuwa na ushindani wa Kiuchumi katika kubadilisha maisha ya familia zao ili
kuleta mabadiliko ya maendeleo haraka zaidi katika maeneo mengi.
Aidha aliwataka kuwa wananchama wa
Tembo Kuachana na makundi ya Uchaguzi na badala yake wajikite kuimarisha chama
chao na kwamba viongozi wa bodi kuwatumikia ipasavyo wanachama ikiwa ni pamoja
na kushirikishana ndani ya chama.
Alisema kuwa matatizo ya
wanachama yanamalizwa ndani ya Chama chao na si kuyapeleka Nje kwani hali hiyo
itasababisha kuwepo na Makundi na kamba kila mwanachama kuwa makini na mali za
chama ili kufikia malengo waliyojiwekea.
Mwenyekiti amechaguliwa Julius Nkomangi
ambaye alipata kura 221 dhidi ya kura 89 za Furaha Lukelelwa nafasi ya Makamu
mwenyekiti imekwenda kwa Joseph Maige kwa kura 247 ambaye alimshinda mpinzani
wake wa karibu Hamis Manyansura aliyepata kura 60.
Aidha Masanja Lupili alichaguliwa kuwa
Mwakilishi wa Tembo katika bodi hiyo huku wajumbe ni Furaha Lukelelwa,Charles
Makoye, Richard Msafiri,Hamis Manyansura, Eliac Juma, Kazyoba Charles na Marko
Bundala.
mwisho
No comments: